Güvercin Gerdanlığı

Şevkız ki dem-i bülbül-i şeydâdâ nihânız Hûnuz ki dil-i gonce-i hamrâda nihânız Biz cism-i nizâr üzre döküp dâne-i eşki Çün rîşte-i cân gevher-i ma’nâda nihânız Olsak n’ola bî-nâm ü nişân şöhre-i âlem Biz dil gibi bir turfa mu’ammâda nihânız Mahrem yine her hâlimize bâd-ı sabâdır Dâim şiken-i zülf-i dil-ârâda nihânız Hem gül gibi rengînî-i ma’nâ île zâhir Hem neş’e gibi hâlet-i sahbâda nihânız Geh hâme gibi şekve-tırâz-ı gam-ı aşkız Geh nâle gibi hâme-i şekvâda nihânız Ettik o kadar ref’-i taayyün ki Neşâtî Âyîne-i pür-tâb-i mücellâda nihânız Neşâtî

GAZEL Gittin ammâ ki kodun hasret ile cânı bile İstemem sensiz olan sohbet-i yârân-ı bile Devr-i meclis bana girdâb-ı belâdır sensiz Mey-i rahşânı değil sâgar-ı gerdânı bile Bağa sensiz varamam çeşmime âteş görünür Gül-i handânı değil serv-i hırâmânı bile Sineden derd ile bir âh edeyim kim dönsün Aksine çerh-i felek mihr-i dırahşânı bile Hâr-ı firkatle Neşâtî-i hazinin vâ hayf Dâmen-i ülfeti çâk oldu girîbânı bile Neşâtî

Biz şevkiz çılgın bülbülün deminde gizliyiz Kanız kırmızı goncanın kalbinde gizliyiz Bu zayıf vücud üzre çiy gibi gözyaşı döküp Can ipliği gibi mânâ cevherinde gizliyiz Âlemde şöhret olsak n'ola namsız nişansız Gönül gibi bir acayip bilmecede gizliyiz Her hâlimizi bilen yine seher yelidir Gönül bezeyen saçın büklümünde gizliyiz Hem gül gibi bir mana rengiyle açık seçik hem neşe gibi şarap hallerinde gizliyiz Aşk derdinin şikayet süsüyüz kalem gibi İniltiyiz şikayet kaleminde gizliyiz Belli'yi öyle belirsiz kıldık ki neşâtî Biz artık bir cilâlı ayna içre gizliyiz Neşâtî