Güvercin Gerdanlığı

Renc-i hâtır vermesin feryâd ü efganlar saña Gül’izârım sen hemen sag ol fedâ cânlar saña Çok mudur serderhava-yı zülfüñ olmak rûzigâr Bir perîsın kim müsahhardır Süleymanlar saña Cünbiş-i müjigânını hâtır nişân kıl muttasıl Bergüzâr-ı yârdır, ey dil, bu peykânlar saña Sen ki şâh-ı hüsn ü ansın elverir mi sevdiğim Dilşikenlikler, bu nakz-ı ‘ahd ü peymanlar saña Kandesin ey dâmen-i ümmid bilsem kandesin Çâkiçâk-i hasret olmuştur girîbanlar saña Sen hırâm etseñ gelir cûşa melekler şevkten Yâ nasıl sabretsin insâf eyle insanlar saña Hey ne sengin-dilsin ey kâfir ki te’sir eylemez Âhlar, feryâdlar çâk girîbanlar saña Âşikâne bir zemîn-i tâze gösterdiñ Ziyâ Gıbta eylersen şâyandır sühandâlar saña Ziyâ Paşa

1 Sâkî getir ol badeyi kim mâye-i candır Ârâm-dih-i akl-ı melâmet-zedegândır Ol mey ki olur saykal-ı dil ehl-i kemâle Nâ-puhtelerin aklına bâdî-i ziyandır Bir câm ile yap hatırı zîrâ dil-i vîrân  Mehcûr-ı hârâbat olalı hayli zamandır  Sâkî içelim aşkına rindân-ı Huda`nın Rindân-ı Huda vâkıf-ı esrâr-ı nihandır Sâkî içelim rağmına softa harisin Kim maksadı Kevser emeli hûr-ı onandır Aşk olsun o pîr-i mey-i perverde-i aşka  Kim badesi sad-sâle vü sâkîsi civandır  Pîr-i meye sor mes`elede var ise şübhen Vaizlerin efsâneleri hep hezeyandır Ben anladığım çarh ise bu çarh-ı çep-endâz Yahşi görünür sureti amma ki yamandır Benzer felek ol çenber-i fânûs-ı hayale  Kim nakş-ı temâsîli serî`ü`l-cereyandır  Sâkî bize mey sun ki dil-i tecrübet-âmûz Endîşe-i encam ile vakf-ı halecandır İç bade güzel sev var ise akl ü şuurun  Dünyâ var imiş yâ ki yok olmuş ne umurun  2 Yetmez mi bu kasrî reviş-i ağreb-i âlem Bir menzile ermez...