Güvercin Gerdanlığı

Açılup bir dem bu bâğ-ı dil bahâr olmaz mı hìç Nahl-i ümìdümde ya Rab berg ü bâr olmaz mı hìç Sormaduk eslâfa bâzâr-ı sühanda her zamân Elde ser-mâye żarardan başka kâr olmaz mı hìç Dilde oldukça hayâlüñ dìde eşk-efşân olur Nahl-i nâzum bâğ olur da âb-yâr olmaz mı hìç Sìnede nâr-ı tahassürdendür âh-ı âteşìn Hâne sûzân olsa dûd-ı pür-şerâr olmaz mı hìç Kaddini teşbìh iden şimşâda taksìr eylemiş Tuysa dil-dâr artırup kâmet-çenâr olmaz mı hìç Her ne dem âh eylesem dilden hurûş eyler sirişk Rûz-gâr esdükçe deryâ mevc-dâr olmaz mı hìç Mûmiyânuñda nedür sordum zarìfâne kemer Genc olan yerde didi ol şûh mâr olmaz mı hìç Ağlarum cânâ hayâl-i perçemüñle dem-be-dem Dìde dûd-âlûd olur da eşk-bâr olmaz mı hìç Gûş idüp gül-şende sûzişli figân-ı Râşidi Bülbülinden gonce ey gül serm-şâr olmaz mı hìç İbrâhim Râşid Efendi